Солтүстікқазақстандық құтқарушылар өткен түнде бес адамның өмірін сақтап қалды, деп жазады Qazaqstan Media.
Өрт Есіл ауданында және Петропавл қаласында болған. Облыстық төтенше жағдайлар департаменті баспасөз қызметінің хабарлауынша, облыс орталығында екі қабатты үйден от шыққан.
«Петропавл қаласында екі қабатты көппәтерлі үйдің бірінші қабатынан от шықты. Онда екі шаршы метр жерде, баспалдақ асты өртенді. Өрт сөндірушілер төрт адамды құтқарып, сегіз адамды қауіпсіз жерге шығарды», — деп хабарлайды СҚО ТЖД.
Ал Есіл ауданында жер үйден өрт шықты. Қызыл жалын төрт шаршы метр жерді шарпыған. Үй иесі құтқарылды. Екі жағдайдада зардап шеккендер мен қаза тапқандар жоқ.
Тағы оқыңыз: Сүйіктісімен ұрсысып қалған: СҚО полицейлері көпірден секірмек болған жігітті құтқарды
