Солтүстік Қазақстанда бүтін бір отбасы пештен шыққан қауіпті газдан уланып қалды. Қазір иіс тиген ана мен оның үш баласы ауруханада жатыр, деп хабарлайды Qazaqstan Media.
Есіл ауданының Николаевка ауылында бүтін бір отбасы пештен шыққан қауіпті газдан уланып қалды деген хабар ТЖД сәуірдің 2-сі таңғы 6:30-да келіп түскен. Иіс тиіп уланған отбасы мүшелері бірден аудандық ауруханаға жеткізілді.
«Отбасы мүшелерінің улануына пешті дұрыс пайдаланбау себеп болған. Яғни, олар пештің мұржасын мерзімінен бұрын жауып қойған», — деп хабарлады облыстық ТЖД баспасөз қызметі.
Қазір 31 жастағы келіншек пен оның 2013 және 2020 жылы туған екі ұлы мен 2015 жылы туған қызы ауруханада жатыр. Жағдайлары тұрақты. Өмірлеріне еш қауіп төніп тұрған жоқ дейді аудандық аурухананың дәрігерлері.
Тағы оқыңыз: Петропавлда Жеңіс күніне арналған мерекелік отшашу болады
