Қазақстан бойынша айт намазының уақыты белгілі болды. Қазақстан мұсылмандары діни басқармасы өзінің ресми парақшасында айт намазының кестесін жариялады, деп хабарлайды Qazaqstan Media.
Биыл қасиетті Рамазан айы 29 күнге созылады. 26 наурыздан 27 наурызға қараған түні мұсылман қауымы қасиетті Қадір түнін қарсы алды. Ал, Ораза айт-30 наурызға келіп тұр.
«Сағындырған Рамазан айының аяқталуына да аз қалды. 30 наурыз – Ораза айт мейрамы. Қазақстан мұсылмандары діни басқармасы осы күні оқылатын Ораза айт намазының еліміз бойынша әзірленген кестесін назарларыңызға ұсынады», — делінген ҚМДБ хабарламасында.
Аталмыш кестеге сәйкес, солтүстікқазақстандық мұсылмандар айт намазын сағат 7.30-да оқитын болады. Кейбір өңірлерде бұл діни шара сағат жетіден басталса, еліміздің батысында айт намазы сағат сегізде оқылады.
Тағы оқыңыз: Петропавлда телефон қуаттағышынан өрт шықты
