Солтүстік Қазақстанда таңғы сағат 7.00-де барлық референдум учаскелері өз есігін айқара ашты. Олардың саны – 591, деп хабарлайды Qazaqstan Media.
Белгілі болғандай, 375 236 солтүстікқазақстандық референдумға қатыса алады. Бұл күні өңірде 591 референдум учаскесі жұмыс істейді. Олардың 97-сі облыс орталығында орналасқан.
«Өңірдегі референдум учаскелерінің 578-і азаматтарды тіркеу орны бойынша құрылған. Сондай-ақ 13 уақытша дауыс беру пункті жұмыс істейді. Олар аурухана, уақытша ұстау изоляторы және әскери бөлімдерде жасақталған. Облыста барлығы 606 комиссия құрылған. Оның 15 – аумақтық және 591 – учаскелік комиссия. Олардың құрамында 3 430 адам бар», — деді облыстық аумақтық референдум комиссиясының мүшесі Сағындық Рахымжан.
Please follow and like us:
