Жазылмас дерттің қалай алдын алуға болады? Петропавлда иммундық тапшылық вирусынан қорғану турасында жарыс өтті, деп хабарлайды Qazaqstan Media.
Тағы емі жоқ аурудың салдары сөз болды. Өңірде аталған дертке шалдыққан жандардың саны дабыл қағатындай көп емес. Жұқтыру фактілері де жыл сайын азайып келеді. Алайда, сақтық шараларын әрдайым қаперде ұстау қажет.
Бүгінгі шарада түсіндірме жұмыстары жүргізілген жоқ. «Қарапайым дәрістер, әрине тиімді. Бірақ, ақпарат жастардың көкейінде сақталу үшін жиынды жарыс түрінде өткізген дұрыс», — деп санайды облыстық ЖИТС-тің алдын алу және онымен күрес жөніндегі орталығының басшысы Мамадияр Байғұлов.
-
СҚО-да АИТВ-ның алдын алуға арналған жарыс өтті - «Өңірде жыл басынан бері 90-нан астам адамнан АИТВ анықталды. Ауруға шалдыққандардың ең кішісі небәрі 5 жаста болса, үлкені 80-ге таяған. Аталған дерт қанмен, қорғалмаған жыныстық қатынас арқылы және анадан балаға жұғады. Дертті жұқтырған жандар денсаулығына салғырт қарамауы тиіс. Сонда ғана ұзақ өмір сүре алады», -деді ол.
Тағы оқыңыз: М.Жұмабаев ауданында биыл 53 мыңға жуық ағаш егілген
