СҚО-дағы қоршаған ортаға бөлінетін зиянды заттардың 70 пайызы «Севказэнерго» АҚ-ға тиесілі
Облыста қоршаған ортаға бөлінетін зиянды заттардың 70 пайызы «Севказэнерго» АҚ-ға тиесілі. Экологтар кәсіпорынның жұмысын саралады, деп хабарлайды Qazaqstan Media.
Норма бойынша бұл ұйымнан экологияға бөлінетін қалдық көлемі 38 мың тоннадан аспауы керек. Әзірге көрсеткіштен асу жайты тіркелмепті.
СҚО-дағы қоршаған ортаға бөлінетін зиянды заттардың 70 пайызы «Севказэнерго» АҚ-ға тиесілі
«Қазіргі таңда «Севказэнерго» АҚ 21,8 мың тонна зиянды зат бөлген. Есептеулерге сәйкес, жыл соңына дейін бұл көрсеткіш 28 мың тоннаға жетеді. Яғни, бекітілген лимиттен 10 мың тоннаға аз», — деді СҚО бойынша экология департаментінің бөлім басшысы Асхат Мәпенов.
Демек, қоршаған ортаға алаңдамаса болады. Бірақ, табиғатқа деген жауапкершілік әрқашан болуы тиіс. Жасыл желекті, өзен-көлдерді күтпесек, зардап тигіземіз.
«2025 жылы «Севказэнерго»Экология министрлігі және Энергетика министрлігімен бірлесіп, жаңа жобаларды іске асырып жатыр. Оның ішінде 2-ші жылу электр орталығындағы құрылғыларды ауыстыруды көздеп отырмыз. Нәтижесінде ауаға бөлінетін лас заттардың көлемі 4,5-4,7 тоннаға азайуы тиіс», — деді «Севказэнерго» АҚ қоршаған ортаны қорғау басқармасының басшысы Николай Максимов.
Сонымен қатар, кәсіпорын мамандары биыл 4 мыңнан астам ағаш отырғызып, Белое көліне 100 мың майшабақ жіберуді жоспарлап отыр.
