Петропавлда 45 жастағы көлік жүргізушісі үш жасар қызды қағып кетті, деп хабарлайды Qazaqstan Media тілшісі
Жол көлік оқиғасы 14ші шілде күні Рыжов көшесі бойында орын алған. ВАЗ-2112 көлігін басқарып отырған жүргізуші көшедегі кішкентай қызды қағып кеткен. Оқиға салдарынан зардап шегуші жедел-жәрдем көлігімен қаладағы емдеу мекемелерінің біріне жеткізілді.
«ВАЗ-2112 көлігінің жүргізушісі медициналық тексеруден өтті. Нәтижесінде алкогольді сусын ішпегені анықталды. Қазіргі уақытта көлік арнайы тұраққа қойылды. Жол-көлік оқиғасы фактісі бойынша материалдар процессуалдық шешім қабылдау үшін Петропавл қалалық ІІБ әкімшілік полиция бөліміне берілді», — делінген облыстық ПД баспасөз қызметі таратқан хабарламада.
Кішкентай қыздың жағдайы орташа, облыстық балалар ауруханасында ем қабылдап жатыр.
Тағы оқыңыз:Елімізде су шаруашылығы және ирригация университеті құрылмақ
