Петропавлда сәуірдің 13-і із-түссіз жоғалған жігіттің денесі табылды. Ол су тасқыны басталғаннан бері хабарсыз кеткендер тізімінде болған еді, деп жазады Qazaqstan Media тілшісі.
Бір ай бұрын жоғалған жігіттің өлі мүрдесін сүңгуірлер мамырдың 12-сі тапқан. 34 жастағы ер адам облыста су тасқыны басталғаннан хабарсыз кеткен болатын.
«Ер адамның мәйіті сот-медициналық сараптамаға жіберілді. Денесінде зорлық белгілері байқалмайды», — деп хабарлады СҚО ПД баспасөз қызметі.
Ер адамның денесі үйінен тыс жерде табылғаны да белгілі болды.
Тағы оқыңыз: СҚО-да су тасқынынан зардап шеккен жас анаға көмек көрсетілді
