Петропавл қаласында жер үйлердің бірінде өрт шықты. Құтқарушылар жанып жатқан үйден ер адамды қауіпсіз жерге шығарды, деп жазады Qazaqstan Media.
Төтенше жағдай қызметі мамандары бір адамның өмірін өрттен аман сақтап қалды. Петропавлдағы Батыр Баян көшесі бойындағы екі пәтерлі жеке тұрғын үй отқа оранды. Оқиға орнына құтқарушылар жедел келді. Олар жанып жатқан үйден ер адамды эвакуациялап, 45 шаршы метр алаңдағы өртті тез арада сөндірді.
«Өрт сөндірушілердің кәсіби әрекеттерінің арқасында өрт таралмады. Газ баллонының жарылуына жол берілмеді. Зардап шеккендер жоқ»,-деп хабарлады СҚО ТЖД баспасөз қызметі.
Тағы оқыңыз: Петропавл әкімі мен әскерилер ҰОС ардагерін туған күнімен құттықтады
