Петропавлда қазақы үлгіде тігілген киімдер дүкені ашылды. Сән үйі «Tarbiya Ulttyq Kiim» деп аталады, деп хабарлайды Qazaqstan Media.

Салтанатты шара жоғары деңгейде өтті. Еліміздің түкпір-түкпірінен келген дәстүрлі әншілер басқосудың көркін қыздырды. Ашылу салтанатына облыс әкімінің орынбасары Жүсіп Жұмағұлов қатысты.

Шараның ерекше есте қалған сәтті — көрсетілім. Бірінен соң бірі шыққан арулар мен шыққан арулар мен жігіттер сән дүкенінің көйлектері мен шапандарын жұртшылыққа паш етті. Конституция күнімен тұспа-тұс келіп тұрған ашылуда түрлі ұтыс ойындары да ойнатылды. Бағы жанған жандарға құны 150 мыңнан асатын шапандар мен орамалдар табысталды.

Этно мен заманауи үлгі ұштасқан дүкеннің иесі — Тарбия Айдымбаева. 30 жылға жуық тәжірибесі бар шебердің сөзінше, бүгінде талғамы жоғары тұтынушылар оюмен өрнектелген шапан, тақия, орамалдарды күнделікті өмірде киіп жүруді қалайды. Осы сияқты сән үйлері бабалар мұрасын өскелең ұрпаққа жеткізудің, әлемге танытудың таптырмас құралы, тиімді тәсілі де саналады.

Петропавлда ұлттық киімдер дүкені ашылды
Петропавлда ұлттық киімдер дүкені ашылды

«Қазақстанның сегіз қаласында дүкеніміз бар. Бізде 100-ден астам киім үлгісі сатылады. Бағалары да қолжетімді. Ұлттық өнімді шет мемлекеттерге де саудалаймыз»,- деді сән үйінің басшысы Тарбия Айдымбаева.

Сән үйі облыстық тарихи-өлкетану мұражайында орналасқан.

Тағы оқыңыз: Теріскейлік кәсіпкер астықты Түркияға экспорттап жатыр

Поделиться:

Shares

Добавить комментарий

Ваш адрес email не будет опубликован. Обязательные поля помечены *