Солтүстік Қазақстанда 21 сәуірде ауқымды экологиялық акция өтті. Елді мекендерде 17 223 көшет отырғызылды. Петропавлдағы Жеңіс саябағында 100 қарағай егілді. Оларды облыс және қала әкімдері, депутаттар, жастар, мемлекеттік органдардың қызметкерлері және Қазақстан халқы Ассамблеясының өкілдері отырғызды, деп хабарлайды Qazaqstan Media тілшісі.
Жыл сайын Жеңіс саябағы жаңа көшеттермен толықтырылады. Демалыс орны қала тұрғындарының сүйікті мекеніне айналған.
«Елімізде «Таза Қазақстан» үлкен экологиялық бағдарламасы жүзеге асырылуда. Республика бойынша қазірдің өзінде миллион көшет отырғызылды. Біз сіздермен бірге ортақ іске үлес қосамыз және ағаш отырғызамыз. Барлығы белсенді жұмыс істеп жатыр», — деді СҚО әкімі Ғауез Нұрмұхамбетов.
Ақсақалдармен және ҚХА өкілдерімен бірге ол бірнеше ағаш отырғызып, суарды.
Жастар жағы да экоакцияның бел ортасында жүр. Тіпті қыздар да күрек алып, көшет отырғызды.
«Біз экоакцияға қуана келдік. Ауа-райы керемет, біз қазірдің өзінде үш қарағай отырғыздық. Ағаш отырғызу-бұл дұрыс іс, өйткені біз қаламыздың гүлденуі үшін игі іс жасаймыз»,— деді СҚО бойынша «жастар ассамблеясы» РҚБ өңірлік өкілдігінің басшысы Дариға Смайылова.
Айта кетейік, 21 сәуірде СҚО бойынша 17 223 көшет, орман қорында 25 мың көшет отырғызылды.
Осы аптада өңірде 28 457 көшет және орман қорында 90 мың тал егу жоспарлануда.
Тағы оқыңыз: СҚО әкімі ауруханада жатқан соғыс ардагері Василий Макиенконың халын білді
