Петропавлда жанармай бекетінен өрт шықты. Қызыл жалыннан бір адам зардап шегіп, ауыр хәлде көпсалалы қалалық ауруханаға жеткізілді, деп хабарлайды Qazaqstan Media тілшісі.
ТЖД мамандары оқиға орнына келгенде автогазды жанармай құю жүйесі жанып жатқанын анықтаған. Тілсіз жаудан жанармай бекетінің жүргізушісі зардап шегіп, көпсалалы қалалық ауруханаға жеткізілді. Қазіргі уақытта жағдайы ауыр.
“11:20минут кеткенде бізге қоңырау түсті. Оқиға орнына 2 минутта 9 техника мен 43 өрт сөндуруші келді. Және жедел жәрдем маманданы мен полиция қызметкерлері де жұмылдырылды. Өрттің шығу себебі анықталып жатыр.” ,- деді СҚО ТЖД бастығы Ерік Сарыбаев
Please follow and like us:
