Бүгін «Таза Қазақстан» республикалық акциясы аясында Есіл ауданы Корнеевка ауылында сенбілік ұйымдастырылды. Елді мекен халқы екі тонна қоқыс жинап, 100 көшет отырғызған, деп хабарлайды Qazaqstan Media тілшісі.
Сенбілікке еріктілер, кәсіпорын қызметкерлері, ардагерлер ұйымының өкілдері мен ауыл тұрғындары шықты. Олар 800 шаршы метр аумақты жинап, екі тонна қоқыс шығарған. Сондай-ақ елді мекен аумағында 100 көшет отырғызылды.
«Сенбілікке 50-ден астам адам қатысты. Қоқысты шығаруға екі техника жұмылдырылды. Ауылдағы ескерткіштің аумағы абаттандырылып, жөнделді. Сондай-ақ елді мекенде ағаштар мен қоршаулар ақталды. Ұлы Отан соғысының жауынгерлеріне арналған ескерткіштің аумағын абаттандыру, және Үлкен Тораңғұл көлінің жағалауын тазарту жұмыстары жалғасты», — деді ауылдық округ әкімдігінің мамандары.
Тағы оқыңыз: СҚО-да жеңіл көлік пен жүк көлігі соқтығысып, екі адам мерт болды
