Солтүстік Қазақстанда тұрмыстық құқықбұзушылықтардың саны азайып келеді. 2025 жылдың алғашқы тоқсанда 660 құқықбұзушылық тіркелді, ал былтыр 773 жағдай анықталған болатын, деп жазады Qazaqstan Media.
Солтүстік Қазақстан облысында үш ай ішінде отбасылық-тұрмыстық қатынастар саласында 21 қылмыс тіркелді. Бұл өткен жылдың осы кезеңіндегі жағдаймен салыстырғанда 12 жағдайға көбірек. Полиция қызметкерлерінің айтуынша, олардың 16-сы – денсаулыққа жеңіл зиян келтіру және ұрып-соғу фактілері. Бұл баптар былтыр әкімшілік кодекстен қылмыстық заңнамаға ауыстырылған. Осыған байланысты қылмыстар санының өсуі байқалады.
«Полиция қызметкерлерінің ұсынысы бойынша облыс соттары 376 құқықбұзушыға ерекше талап қойды. Олардың барлығына алкоголь өнімдерін тұтынуға тыйым салынды», — деп хабарлайды СҚО ПД баспасөз қызметі.
Дегенмен, өңірде жалпы тұрмыстық құқықбұзушылықтардың саны азайған. Биылғы алғашқы үш айда 660 құқықбұзушылық тіркелсе, былтыр оның саны 773 болған.
Құқық қорғау органдары есепке алынған отбасыларды тұрақты түрде тексеріп, тұрмыстық құқықбұзушылықтардың алдын алу үшін жұмыс жүргізеді. Полиция қызметкерлері шақыртуларға жедел әрекет етіп, тұрғындарға заң талаптарын түсіндіреді.
Тағы оқыңыз: Терезе арқылы кіріп, 4,5 млн теңгені қолды қылған: СҚО полицейлері ұрыны ұстады
