Ішкі істер органдарының жеке құрамы қызмет өткерудің күшейтілген режиміне ауыстырылды. Олар республикалық референдумның өткізілуі кезеңінде құқықтық тәртіп пен қауіпсіздікті қамтамасыз етеді, деп жазады Qazaqstan Media.
ҚР ІІМ баспасөз қызметінің хабарлауынша, мемлекеттік органдармен бірлесіп, дауыс беруге арналған учаскелерге комиссиялық тексерулер жүргізілетін болады. Олардың техникалық сипаттарға және қауіпсіздік талаптарына сәйкестігі, терроризмге қарсы қорғалуы қаралады.
Полиция қызметкерлері дауыс беру бюллетеньдері жеткізілген сәттен бастап учаскелер маңында қызмет атқаратын болады.
Сондай-ақ полицейлер дауыс беру құжаттамасын жеткізуді сүйемелдейді. Ел бойынша қоғамдық тәртіпті 33 мыңға жуық қызметкер қамтамасыз ететін болады, оның 18 мыңы сайлау учаскелерінде.
Ішкі істер органдары дауыс берудің дұрыс және тыныш жағдайда өтуі үшін барлық шараларды қабылдайды.
Тағы оқыңыз: Ақша, есірткі, оқ-дәрі: СҚО-да онлайн ойын бизнесін ұйымдастырғандар ұсталды
