Соңғы жылдары елде түрмеде отырғандардың саны өсті. Мәселе қазір мемлекет басшысы деңгейінде шешілуде. Бұл туралы ҚАЖК басшысы Теңізжан Жәнібеков айтты, деп жазады Qazaqstan Media тілшісі Orda сайтына сілтеме жасап.
Төрт жыл ішінде сотталғандар саны жеті мыңға жуық адамға өсті. Бұл мүлікті ұрлау, отбасылық-тұрмыстық зорлық-зомбылық және басқа да қылмыстар үшін жазалардың қатаңдатылуына байланысты.
«93% ауыр және аса ауыр қылмыстар үшін сотталды. Бұл ретте 45% қасақана қылмыс жасағаны үшін сотталды»,- деді Теңізжан Жәнібеков.
Қазір елімізде барлығы 78 түзеу мекемесі жұмыс істейді, онда 37 мыңнан астам сотталушы жазасын өтеп жатыр. Олардың үш мыңы әйелдер. Изоляторларда орын тапшылығы да бар: 16 тергеу изоляторында 7,5 мың адам отыр.
«Біз оларды аудару мүмкіндігін іздейміз. Тіпті Астананың тергеу изоляторында да «шектен шығу» бар, сот үкімі күшіне енгенге дейін біз бұл мәселені шешу үшін адамдарды көрші облыстардағы изоляторларға жібереміз», — деді Жәнібеков.
ІІМ Маңғыстау, Ақмола, Атырау, Шығыс Қазақстан және Павлодар облыстарында жаңа қамау орындарын салуды жоспарлап отыр.Оған бюджеттен қанша ақша қажет болатынын Теңізжан Жәнібеков нақтылаған жоқ.
Тағы оқыңыз:СҚО-ның «ПЗТМ» АҚ бес қызметкері «Jas Kenes Siylygy» байқауына қатысады
