Ғабит Мүсірепов ауданында 1200 басқа арналған сүт-тауар өндірісінің құрылысы аяқталуда. Жаңа нысан Ефимовка ауылының жанында бой көтеруде. Бұл облыстағы ең ірі нысандардың бірі. Сонымен қатар, роботтандырылған құрамажем зауытында сынақ режимінде 50 мың тонна өнім өңделген, деп жазады Qazaqstan Media.
Солтүстік Қазақстан облысының әкімі Ғ.Мүсірепов атындағы ауданға жұмыс сапары кезінде кәсіпкерлермен және ауыл шаруашылығы өндірушілерімен кездесті.
Сүт –тауар фермасын «Буденное СК» ЖШС салып жатыр. Ферма 1200 бас аналық малға арналған. Жылына 10 мың тоннаға жуық сүт алу жоспарда бар.
«Бұрын-соңды болмаған мемлекеттік қолдау шараларының арқасында биыл егін жақсы алынуда. Оны уақтылы және сапалы тазалауды қамтамасыз ету қажет. Ауданда күзгі науқан белсенді жүріп жатыр. Көпжылдық шөптерді ескере отырып, жалпы жинау алаңы 700 мың гектардан асады», — деді Ғауез Нұрмұхамбетов.
Ауданның ауылшаруашылық кәсіпорындары өндірісті дамытып қана қоймай, адамдардың өмір сүру сапасын арттыруға да көп көңіл бөледі. «Ишим гарант» ЖШС өз қызметкерлері үшін тұрғын үй құрылысын аяқтады. Бұл- инженерлік коммуникациялары бар заманауи үйлер.
Дәл осындай баспананы «Буденное СК» ЖШС тұрғызып жатыр. Жаңа үйлерда сумен жабдықтау, электр және жылыту желілері толығымен қосылған.
СҚО әкімі жұмыс сапары барысында Ғабит Мүсірепов атындағы ауданындағы бірқатар инфрақұрылымдық нысандардың жағдайымен танысты. Атап айтқанда, «Жаңа Есіл» теміржол вокзалының жаңғыртылу барысы тексерілді. Нысанды жыл соңына дейін толық аяқтау көзделіп отыр.
Сонымен қатар, ауданда «Дюймовочка» балабақшасы күрделі жөндеуден өтті. Сапар барысында өңір басшысы аудан тұрғындарымен де кездесу өткізді.
Ауданда бірқатар маңызды инвестициялық жобалар іске асырылуда. Солардың бірі — «Новоишимский мелькомбинат» ЖШС-ның қуаттылығы жылына 750 мың тонна болатын роботтандырылған құрамажем зауыты. Кәсіпорында 45 жұмыс құрылған. Қазіргі таңда сынақ режимінде 50 мың тонна өнім өңделген.
Тағы оқыңыз: Ресейлік көлікке қазақстандық нөмір таққан тұрғын шекара бекетінде ұсталды
