Бұдан былай Қазақстанда онлайн несие оңайлықпен берілмейді. Берешек алушы биометриялық сәйкестендіру, электрондық цифрлық қолданбаны келтіруі тиіс, деп хабарлайды Qazaqstan Media тілшісі.
Осыған дейін қашықтан несие рәсімдеу үшін сайтқа кіріп, жеке куәлікті көрсету жеткілікті еді. Енді бұл әрекет бұрынғыдай оңайға соқпайды. Өйткені, қаржы нарығын реттеу және дамыту агенттігі онлайн несие беру қағидаларына түзетулер ұсынды. Жаңа ереже бойынша, кредит алмақшы болған адам жеке басын куәландыруы тиіс. Ол үшін биометриялық сәйкестендіру, электрондық цифрлық қолтаңба, екі факторлы аутентификация талап етіледі. Жоба көпшілік назарына ұсынылды, Ашық НҚА-да 8 тамызға дейін тұрады. Сонымен қатар, егер бәзбіреудің сіздің атыңыздан қарыз алғалы дәлелденсе, сіз жауапкершіліктен босатыласыз.
Тағы оқыңыз: Смирново ауылына жаңа мешіт қажет
